مميزات المعادلة الأمريكية أو فوائد USMLE

من أكتر الأسئلة الى بتوصلنا لماذا المعادلة الأمريكية يوسملى USMLE على الرغم من أن البعض يعتبرها الأصعب فى التحضير ولذلك قمنا بعمل مقالة كاملة لشرح أهم مميزات و فوائد USMLE .

فوائد USMLE ؟

أولاً : التعليم الطبى

التحضير للمعادلة الأمريكية USMLE بيضيف ليك خلفية علمية قوية جدا تنفعك بشكل عام سواء في دراستك الجامعية أو حتى شغلك , دا بالاضافة ان التحضير و الدراسة لامتحان الusmle خصوصا امتحان الusmle step 2 Ck هيخليك مطلع على اخر التحديثات الطبية و الrecent guidelines في التشخيص و العلاج و ده هيخليك دايما متميز و متفوق والسبب دا الى بيخلى دكاترة كتير بيذاكروا منهج المعادلة يوسمل على الرغم انه مش ناوى السفر وانما فقط لتقوية أساسيته العلمية .

ثانياً : الخبرة العملية

 لما ان شاء الله تخلص و تجتاز الامتحانات بتاعة الusmle و تبقى ECFMG certified لازم تكون عارف انك رايح تاخد residency في افضل دولة في العالم ممكن تديك تعليم طبى و خبرة عملية و اخص هنا الذكر تحديدا بالتخصصات الجراحية , حرفيا و بدون مبالغة أمريكا افضل دولة في العالم من التعليم و الخبرة في مجال الجراحة افضل من أوروبا نفسها بالمناسبة.

ثالثاً : قوة الشهادة : هنا الموضوع هينقسم قسمين :

النقطة الأولى : فايدة اجتيازك امتحان USMLE نفسه ، كونك اجتازت امتحان الusmle خصوصا امتحان الusmle step 2 ده بيفتحلك فرص كتير غير أمريكا كمان ، أولا : في بعض الدول بتعترف بال USMLE غير أمريكا زى انك بتكون مؤهل انك تشتغل في اى مستشفى في الخليج من غير متحتاج اى امتحان تانى و بردو بتكون مؤهل انك تشتغل في نيوزلاندا بس بعد امتحان عملى بسيط بيعملهولك , ثانيا في بعض الأماكن في الوطن العربى بتقدر جدا الusmle , وبتوظف الدكاترة اللى معاهم USMLE و بتدى مرتبات كويسة نظير ده زى مؤسسة حمد الطبية في قطر , المستشفى التابعة لكلية الطب في الجامعة الامريكية في بيروت , كليفلاند كلينك أبوظبي , مستشفى دار الفؤاد في مصر و غيرها .

النقطة التانية: فايدة شهادة البورد الامريكى و دى الدرجة العلمية اللى بتحصل عليها بعد لما تخلص النيابة بتاعتك في أمريكا , دى تعتبر اقوى شهادة طبية في العالم , على سبيل المثال نقابة الأطباء في مصر بترقى الحاصلين على البورد الامريكى لدرجة استشارى و دى تعتبر اعلى درجة علمية في مصر و ده يثبتلك اد ايه قوة الشهادة , يعنى انت بعد التخرج من كلية الطب في مصر بعد الامتياز بتقعد حوالى 8 سنين (و دى اقصر مدة بالمناسبة) عشان تبقى استشارى , بالمقارنة بقى انت بعد النيابة في أمريكا اللى هي 3 سنين بس بتاخد البورد الامريكى اللى بيخليك تترقى استشارى في مصر.

رابعاً : المرتبات

طبعا رواتب الأطباء في أمريكا من اعلى رواتب الأطباء في العالم , في فترة النيابة المرتب بيبقى حوالى 5000 دولار في الشهر , بس بعد لما تخلص نيابتك و تاخد شهادة البورد المرتب بيزيد بشكل كويس جدا , بس بيختلف بردو حسب التخصص , يعنى لو تخصصك باطنة عامة فالمرتب بيبقى متوسط 28000 دولار في الشهر , انما مثلا لو اخد subspecialty جوه الباطنة زى مثلا القلب او الجهاز الهضمى او لو تخصص جراحى بيكون المرتب اعلى طبعا بيبقى متوسط 35000 الف دولار , اعلى تخصصات في أمريكا من حيث المرتب هم جراحة العظام و جراحة التجميل و جراحة المخ و الاعصاب و التخصصات دى المرتب فيها بيوصل متوسط 40000 دولار  .

خامساً : البحث العلمى

من مميزات بيئة العمل الطبية في أمريكا انها بتخليك دايما على اطلاع باحدث التطورات في مجال الطبي ببساطة لان معظم الأبحاث و الابتكارات ديه طالعة من عندهم , مش بس كده كمان , ده في برامج طبية في امريكا كمان بتوفر نقطة انك تشتغل بحث علمى بجانب الشغل الطبي و ده غير انه بيوفرلك دخل مادى اعلى كمان بتبقى حاجة كويسة مش انك بس تمارس الطب بل انك تضيف فيه كمان.

وبكدا يكون وضحنا أهم فوائد المعادلة الأمريكية يوسلمى USMLE.

ما هو امتحان اليوسملى USMLE ؟

هو تصريح لمزاولة مهنة الطب البشرى فى الولايات المتحدة الأمريكية ، يعرف ايضا بامتحان ال USMLE وهى اختصار United States medical Licensing Examination وهو عبارة عن ثلاث امتحانات رئيسية ( USMLE Step1 – USMLE Step 2 CK – USMLE Step 3 ) يتم فيها اختبار الطبيب على معلوماته العلمية والعملية ، وقمنا بعمل مقالة تفصيلية عن المعادلة الأمريكية وكل شروطها وخطواتها يمكنك الاطلاع عليها من هنا .

الكورس التجريبى المجانى لليوسمل USMLE ؟

بنفكركوا ان متاح لينا كورس تجريبى مجانى بعد التحديث الجديد وتقدر من خلاله تجرب سيستم الأسئلة الجديد بتاعنا والفلاش كارد دا طبعا بالاضافة للمحاضرات والكتب المجانية ، وتقدر توصل لمحتوى الكورس التجريبى من هنا وبعدها اضغط على Free Trial .

وتقدروا تعرفوا أكتر عن كورساتنا المتاحة وأهم المميزات الى بنقدمها من المقالة دى .