All what you need to know about USMLE

المحتويات

كل ما تريد معرفته عن المعادلة الأمريكية يوسملى USMLE

فى المقالة دى هنحاول نجمع الأسئلة الأكثر شيوعاً عن المعادلة الأمريكية لطب بشرى يوسملى USMLE بحيث تقدر تكون الفكرة الكاملة عن الطريق دا وتقدر تقارنه مع أى خطط أخرى مناسبة ليك.

ما هو امتحان يوسملى USMLE ؟

امتحان اليوسملى USMLE اختصار ل ( United States Medical Licensing Examination ) وهو عبارة عن عدة اختبارات أو خطوات الغرض منها الحصول على تصريح لمزاولة مهنة الطب البشرى داخل أمريكا وبعض الدول ، وهو عبارة عن 3 خطوات رئيسية ( USMLE Step 1 – USMLE Step 2 CK – USMLE Step 3 ) حيث يتم اختبار الطبي على معلوماته الطبية العلمية والعملية .

ما فائدة امتحان USMLE ؟

 الغرض الأساسى من امتحان USMLE هو الحصول على تصريح مزاولة مهنة الطب داخل أمريكا وبعض الدول ، وهناك المزيد من المميزات أيضاً أهمها الإضافة العلمية القوية والى بتميزك على المستوى العلمى أو حتى على مستوى الشغل لأنها أقوى شهادة فى الطب بالفعل ، وكتبنا مقالة كاملة عن مميزات المعادلة الأمريكية تقدر تشوفها.

كيف اسجل فى اختبار USMLE ؟

 هناك شروط لكى تستطيع التسجيل فى امتحان USMLE وهى:

  • ان تكون كليتك موجودة فى موقع  World Directory of Medical Schools
  • يجب أن تمتلك جواز سفر Passport سارى.
  • فيزا أو ماستر كارد لدفع الرسوم المطلوبة عند التسجيل .

 بعد ان تستكمل الشروط السابقة تستطيع التسجيل فى امتحان USMLE على خطوات وهى :

  • أولاً: الحصول على ECFMG ID وهو رقم تعريفى خاص بكل طبيب
  • ثانياً: الحصول على ECFMG Certification وهو التقديم أونلاين والنوتارى كام 
  • ثالثا: التقديم على الامتحان USMLE Exam Application

وبالفعل عملنا مقالة كاملة للشرح بالتفصيل لطريقة التقديم لامتحان USMLE وفيها شرح لكل الخطوات دى بالصور خطوة بخطوة لحد حجز موعد الامتحان .

مواعيد امتحان USMLE ؟

 مواعيد امتحان USMLE فى مصر أو السعودية أو أى مكان بتكون متاحة فى أى وقت طوال السنة ، ما عدا الأجازات الرسمية زى اجازات بداية السنة الميلادية فى شهر يناير ( الكريسماس ) ، غير كدا الامتحانات متاحة طول السنة مفيش مشكلة ، الفكرة انك بتحجز امتحانك خلال فترة مكونة من ثلاثة شهور وبتسمى Eligibility period وبعد كدا بتختار يوم تمتحن فيه خلال الثلاث شهور دول ودا بيكون من خلال موقع البرومترك .

أماكن امتحان USMLE ؟

 أماكن امتحان USMLE كثيرة وتوجد فى أغلب الدول العربية منها مصر والأردن والامارات والسعودية والكويت وقطر ولبنان وغيرها .

أماكن امتحان USMLE فى مصر

 أماكن امتحان USMLE فى مصر مكانين : الأول فى AMIDEAST فى الدقى محافظة الجيزة ، والثانى فى American Center فى محافظة الاسكندرية .

احنا ذكرنا مصر كمثال لكن تقدر تعرف أماكن امتحان USMLE فى أى دولة انت عاوزها من خلال موقع البرومتريك وتختار الدولة وهو بيوضحلك الأماكن المتاح فيها الامتحان.

 

المزيد من المقالات

Free Trial Course For USMLE Step 1 & Step 2 CK

You can try our Courses including Lectures , Books , our Qbank and Flashcards