ازاى تحجز الامتحان

إزاي تحجز امتحانات USMLE Step 1 أو Step 2

طبعا المقالة دى هى الخطوة التانية بعد ما تكون عملت اكونت على MyIntealth ولو مشفتهاش فتقدر تروح لمقالة طريقة التسجيل فى MyIntealth  من هنا ، وبعدها نكمل الخطوات لحجز امتحان USMLE Step 1 or step 2 (ملحوظة صغيرة مصر تعتبر شرق اوسط مش افريقيا عشان و انت بتحجز متغلطش شباب كتير بتعلمها غلط)

من 12 يناير 2026 التقديم على الامتحان بقى من FSMB، وحساب MyIntealth وطلب شهادة ECFMG لسه مطلوبين. هنمشي في الخطوات الحالية، وبعد قبول الطلب نختار اليوم من Prometric.

الخطوات:

1. قبل ما تقدّم على امتحان USMLE، لازم تتأكد إن حالة طلب الشهادة بتاعتك "مقبول". قبول الطلب غير إنك تكون استلمت شهادة ECFMG نفسها، الشهادة ليها باقي متطلبات بتكملها في رحلتك.
2. افتح موقع FSMB لحجز الامتحانات واضغط "Log in".
3. لو عندك حساب على FSMB، دخل اسم المستخدم وكلمة السر واضغط "Sign in". لو أول مرة، اضغط "Sign up now".
4. اختار اسم مستخدم وكلمة سر، واكتب كلمة السر مرة تانية في Confirm New Password. بعد كدا اكتب إيميلك واضغط "Send verification code"، وكمّل تأكيد الإيميل بالكود اللي هيوصلك. زرار "Create" هيتاح بعد استيفاء البيانات المطلوبة.
5. كمّل بيانات حسابك بالاسم وتاريخ الميلاد ورقم USMLE ID أو MyIntealth ID. خليك دقيق، البيانات لازم تطابق ملفك على MyIntealth. لو الموقع طلب منك توثيق هوية إضافي، كمّل التعليمات اللي هتظهرلك قبل ما تكمل طلب الامتحان.
6. بعد تسجيل الدخول، الموقع هيراجع تطابق هويتك وحالة طلب شهادة ECFMG. لو ظهر اختلاف أو طلب غير مقبول، لازم تحل السبب المكتوب في الرسالة الأول. بعد نجاح المراجعة هتقدر تفتح تبويب Step 1 أو Step 2 CK وتبدأ الطلب. لو هتقدم على الاتنين، كل امتحان له طلب ودفع منفصل.
7. اختار فترة الأهلية بتاعتك من القائمة في "Eligibility Period". دي فترة 3 شهور مسموحلك تمتحن خلالها، مش يوم الامتحان نفسه. الفترة اللي في الصورة مثال من وقت تسجيل الشرح، اختار من الفترات المتاحة في حسابك.

   متحجزش غير لما تجيب سكور فوق ال70% في الامتحانات التجريبية من علي الموقع بتاعنا عشان متزنقش نفسك لا قدر الله. دي نصيحتنا للتحضير، مش شرط رسمي للتسجيل.

   
8. في سؤال "Test Accommodations" جاوب حسب حالتك، لو محتاج ترتيبات خاصة للامتحان كمّل متطلبات الطلب الرسمية. متختارش إجابة لمجرد إنها هي الظاهرة في صورة الشرح.
9. اختار منطقة الاختبار من "Testing Region". لو هتمتحن في مصر، مصر ضمن Middle East في الشرح المصوّر، مش Africa. راجع المنطقة قبل ما تكمل.
10. راجع بيانات التواصل في "Contact Information"، وكمّل عنوانك وإيميلك والبيانات المطلوبة. الإيميل اللي هتكتبه لازم يكون شغال وبتفتحه، عشان تتابع عليه رسائل الطلب.
11. في "Identification" راجع تاريخ الميلاد وكمّل بلد ومحافظة ومدينة الميلاد. البيانات تكون مطابقة لمستنداتك. خانة NPI ظاهرة كخانة اختيارية في الشرح.
12. افتح "Identity Verification" وكمّل المطلوب لتوثيق هويتك. لو ظهرت الرسالة اللي في الصورة، ارجع الأول واحفظ اسمك القانوني وبيانات التواصل وتاريخ الميلاد، وبعدها ارجع للخطوة دي وكملها.
13. هتفتح صفحة مراجعة بياناتك التعليمية في "Education". راجع الكلية وحالتك كطالب أو خريج، ومتكمّلش لو فيه بيانات غلط.
14. في "Additional Information" جاوب على سؤال مشاركة نتائجك مع كلية الطب، وكمّل الجنسية وقت دخولك كلية الطب. باقي الخانات اللي مكتوب قدامها Optional اختيارية.
15. افتح "Review & Pay" وراجع الطلب. لو فيه بيانات ناقصة هتظهرلك باللون الأحمر، اضغط رابط تعديل الجزء الناقص وكمله، وبعدها ارجع للمراجعة تاني.
16. راجع الرسوم والإقرار قبل الدفع. لو هتمتحن في مصر، رسوم Step 1 الحالية 695 دولار + 210 دولار رسوم منطقة، يعني 905 دولار. وStep 2 CK هو 695 دولار + 235 دولار، يعني 930 دولار. دول رسوم الامتحان والمنطقة فقط، مش رسوم حساب MyIntealth وطلب الشهادة. بعد المراجعة كمّل الدفع بالطريقة المتاحة، واحتفظ بتأكيد تقديم الطلب.
17. بعد التقديم تابع حالة الطلب في حساب FSMB وإيميلك. الموقع بيتحقق من القيد أو التخرج مع Intealth، وبالنسبة للطالب ممكن يحتاج تأكيد القيد من الكلية. متعتبرش إن الدفع لوحده معناه إن الطلب اتقبل أو إنك اخترت يوم الامتحان.
18. بعد قبول الطلب، هيوصلك "Scheduling Permit" على الإيميل وهتلاقيه في حساب FSMB. راجع إن اسمك فيه مطابق للهوية اللي هتاخدها معاك يوم الامتحان.
19. 💡هتلقي استلمت اذن حجز الامتحان اللي هتستخدمه في اختيار اليوم من البرومترك. افتح صفحة USMLE على Prometric واختار "Schedule" تحت Step 1 أو Step 2 حسب امتحانك. كمّل التعليمات باستخدام بيانات التصريح، واختار اليوم والمركز المتاحين خلال فترة الأهلية، واحتفظ بتأكيد الموعد.

نتمنى يكون الشرح وضّحلك خطوات حجز الامتحان، وربنا يوفقك في رحلتك

ولو عايز تعرف أكتر عن كورساتنا للـ USMLE وطريقة المذاكرة معانا، شوف مميزات البرنامج