ازاى تسجل على ECFMG بالنظام الجديد

لو مش مسجل على الموقع القديم ولسه هتعمل أكونت على الموقع الجديد من الصفر

هتدفع 110 دولار عند فتح الأكونت، ودي شاملة توثيق الهوية مع NotaryCam.

بعد ما الحساب يتفعّل، هتقدم طلب شهادة ECFMG برسوم 580 دولار. ولو خريج، توثيق شهادة التخرج وبيان الدرجات النهائي برسوم 220 دولار، بواقع 110 دولار لكل مستند.

يعني رسوم البداية لو طالب 690 دولار، ولو خريج 910 دولار. كل جزء بيتدفع وقت طلبه، ومش شامل رسوم الامتحانات.

حجز الامتحان دلوقتي من FSMB. لو هتمتحن في مصر، Step 1 برسوم 905 دولار وStep 2 CK برسوم 930 دولار. هتلاقي تفاصيل التكاليف ومواعيد دفعها هنا.

ولو كنت مسجل على الموقع القديم بالفعل لكن ممتحنتش أي Step لسه

حسابك القديم اتنقل لـMyIntealth. اعمل بيانات الدخول بالإيميل اللي كان مسجل عندهم عشان توصل لنفس حسابك.

بعد الدخول، راجع حالة طلب الشهادة والمستندات. وجود حساب قديم لوحده مش كفاية عشان نحدد إيه الرسوم المطلوبة منك.

لو خدمة سبق واتدفعت واتقبلت، راجع حالتها في حسابك قبل ما تقدم طلب جديد. ممكن يطلبوا استكمال بيانات أو إعادة رفع مستندات أو توثيق الهوية.

لو مسجل أكونت على الموقع القديم وممتحن أي Step

لو امتحنت قبل كدا، ادخل على حسابك المنقول بنفس الإيميل القديم وراجع حالة طلب الشهادة وتوثيق مستنداتك، بدل ما تبدأ حساب جديد.

مش هنفترض إن كل الخدمات مكتملة لمجرد إنك امتحنت. كمّل المطلوب اللي ظاهر في حسابك، ولو مستندات التخرج لسه محتاجة توثيق، رسوم المستندين حاليًا 220 دولار.

فى البداية هنمشى خطوة خطوة: تعمل بيانات الدخول، تكمّل فتح الحساب وتوثيق الهوية، وبعدها طلب شهادة ECFMG. لو عندك حساب قديم، تستخدم نفس الإيميل وتكمّل المطلوب في حسابك المنقول.
كمان للخريجين فى خطوات اضافية عشان ترفع شهاداتك وبردو هنوضحها فى المقالة ان شاء الله.

الخطوة الاولي هتروح علي موقع MyIntealth 
https://www.myintealth.app/

الخطوة التانية اختار اللي حواليها مربع اصفر و سجل كمتقدم

💡الخطوة التالتة Click Access MyIntealth.

💡الخطوة الرابعة
Click Don’t have a MyIntealth account

الخطوة الخامسة
و دي اهم خطوة دخل الايميل اللي انت عايز تربطه بحسابك و تستقبل عليه مراسلاتهم (خليه ايميل يكون انت عارف الباسوورد بتاعه و الشخصي بتاعك عشان مهم جدا). لو كان ليك حساب قديم، لازم تستخدم نفس الإيميل المسجل عند ECFMG عشان حسابك المنقول يتربط بيك.

الخطوة السادسة:
بيتبعت كود علي الايميل اللي انت دخلته افتح ايميلك و انقل الكود و حطه لتاكيد النقل

دا جوا ايميلك

دا جوا الموقع الجديد

💡الخطوة السابعة
The Email Address Verified section appears. Click Continue.

💡 املي كل دول (اتاكد انك مدخل بياناتك صح زي باسبورك اهم شئ الاسم تكون نفس الحروف)

بعض النصائح بخصوص الاسم:
اكتب اسمك بنفس حروف الباسبور، وراجع خانة اسم العائلة وباقي الأسماء زي ما هي مكتوبة في مستندك. خانة Generational Suffix خاصة بلاحقة الاسم زي Jr. أو III، سيبها فاضية لو مش موجودة عندك. ما تعتمدش على ترتيب الأسماء المعتاد بدل الباسبور.

و اعمل الباسوورد بتاعك بالشروط اللي في الصورة

💡الخطوة الثامنة
إعمل لوجين Login ، افتح اكونتك بايميلك و الباسوورد الجديد

💡الخطوة التاسعة
accept هيظهر قدامك الخيارين دول دوس عليهم و قلب فيهم لتحت و بعد كدا دوس

💡الخطوة العاشرة
هيطلب منك تدخل بيانات سكنك دخلها اهم شئ الدولة دخلها صح

الخطوة ال11
بالنسبة ليك كطالب بتسجل جديد، هتبدأ طلب إنشاء حساب يخدم ECFMG Certification من زرار Begin Application زي الصورة. دي بداية فتح الحساب، ولسه بعدها توثيق الهوية وطلب الشهادة. أما لو حسابك منقول، كمّل المطلوب اللي ظاهر عندك.

اللي هي من تحت

A page with information about your ECFMG certification service appears. Click Next.

then Additional information about the ECFMG certification displays. Click Next.

💡الخطوة ال12
هتبدا تملي بياناتك الشخصية اهم شئ اسمك يكون مطابق للباسبور كحروف عشان توثيق الهوية

جهّز صورة شخصية ملونة حديثة وصورة الباسبور الساري، وارفعهم في خانات الهوية المطلوبة. تقديم البيانات لوحده مش نهاية توثيق الهوية.

Click Save Changes if you are not ready to submit your information; otherwise, click Next to continue.

💡متنساش النصائح بخصوص الاسم الى وضحتها ليك فى الخطوة رقم 7 عشان مهمة جداً

الخطوة ال13
بعدها هتملي بيانات كليتك سواء طالب او خريج. اختار الحالة والتواريخ حسب وضعك الرسمي عند الكلية، وراجع تاريخ التخرج واستلام الشهادة معاهم لو مش متأكد.

لو خريج هنوريها ليكم في نهاية المقالة بشكل منفصل عشان منعا للغبطة
The School Information page appears.

اكتب هنا اسم دولتك او كليتك و اختارها و املي بياناتها زي هتاخد درجة ايه (مصر بكالريوس) حضرت كام سنة هتتخرج امتي وهتستلم الشهادة امتي. استخدم التواريخ الرسمية المسجلة عند كليتك، لأن وضع الامتياز وتاريخ منح الدرجة مش واحد في كل نظام دراسي.

طيب لو مظهرتش كليتك؟ اختار SUBMIT NEW SCHOOL و املي بياناتها

لو كنت في كليات طبية تانية عيد الخطوة دي و ضيف كل الكليات اللي حضرت فيها

لما تخلص دوس next

💡الخطوة ال14
ممكن تظهرلك دي (لو معاك تصريح مزاولة مهنة او خريج حط اسم دولتك) لو لسه طالب دوس نكست

الخطوة ال 15

هتطلع ليك صفحة بيانات اضافية دي (ملؤها اختياري) بس لو عندك اي حاجة فيها اكتبها و كمل بياناتك ممكن تحتاجها قدام لو مش معاك جرين كارد او جنسية اغلبها هيبقي فاضي

لما تخلص في الصفحة دي عشان دوس نكست to submit

💡الخطوة 16
هيطلع ليك ملخص بياناتك اللي لسه ماليها راجعها كويس و لما تتاكد كله سليم دوس نكست

💡الخطوة 17
هيطلع ليك الصفحة دي شوية اقرارات هتؤكدها انك (معلكش اي جرائم الخ و انك مالي بياناتك طواعية و موافق علي مشاركتها معاهم)

دوس علي كل واحدة سكرول لتحت و دوس قبول

و لما تخلصهم كلهم دوس نكست

💡الخطوة 18
هيطلع ليك بقي تابة الدفع

في خطوة إنشاء الحساب هتدفع 110 دولار، شاملة النوتاري. رسوم طلب الشهادة 580 دولار، ورسوم توثيق مستندي التخرج 220 دولار للخريج، بتكون مع طلب الشهادة. راجع البنود الظاهرة في سلة الدفع قبل ما تدفع، ومش بتدفعهم تاني لمجرد فتح حساب منقول.

proceed to payment

اختار طريقة الدفع المناسبة ليك و المتاحة

press pay

بعد الدفع، كمّل توثيق الهوية وطلب الشهادة

أولًا: توثيق الهوية
بعد مراجعة صورة الباسبور والصورة الشخصية، هيوصلك إشعار تكمل توثيق نموذج الهوية. افتح متابعة طلب الحساب واضغط Continue.

راجع بيانات نموذج الهوية، وافق على إرساله لـNotaryCam، وبعدها كمّل لبدء المقابلة من Initiate Live Notary Session. جهّز الباسبور، واسمح للكاميرا والمايك يشتغلوا، وكمّل التوقيع مع الموظف.

ثانيًا: طلب شهادة ECFMG
بعد تفعيل الحساب، افتح Services ثم ECFMG Certification، وبعدها تبويب Application for ECFMG Certification واضغط Begin Application. راجع بياناتك وكليتك، وكمّل كطالب أو خريج حسب حالتك.

لو طالب، كمّل بيانات الدراسة وأي تحويل ساعات دراسية إن وجد، وبعدها راجع الطلب والإقرارات وادفع 580 دولار. لو خريج، كمّل خطوات المستندات اللي تحت.

خطوات حجز امتحان المعادلة USMLE Step 1 أو Step 2

📌 إحنا كمان جهزنا لك خطوات الحجز للامتحان بالتفصيل تقدر تشوفها كاملة من خلال المقالة دي.

لو خريج هتسجل ازاى؟

لو انت خريج هتمشى على نفس خطوات فتح الحساب وتوثيق الهوية اللي فاتت. وبعدها افتح طلب شهادة ECFMG من قائمة Services زي ما وضحنا، واختار Graduate في بيانات الدراسة.

وطبعا هتختار انك خريج لما تخش في ال ecfmg application

و دخل كليتك اللي اتخرجت منها 

💡 الخطوة التانية

حط درجتك العلمية لو خريج حديث في مصر مثلا بتبقي بكالريوس

حط تاريخ امتي استلمت شهادة تخرجت

دوس التالي

الخطوة التالتة

لو في الكلية كنت محول بين كليات املي الكليات التانية اللي درست فيها هنا

لو دارس في اكتر من واحدة كل واحدة هتملاها بحضرت من امتي لامتي و كام سنة (الغالب بيبقي كلية واحدة فمش هتضيف كليات تانية)

"لو أي ساعات دراسية (كورسات/مواد) اتنقلت من المدرسة دي لمدرسة الطب اللي واخد منها الدرجة، علِّم في المربع. وساعتها هيظهرلك قسم اسمه إفصاح وتحميل مستندات تحويل الساعات."

املاها بقي حسب المنقول للكلية الجديدة "علشان ترفع كشف الدرجات وتثبت الساعات المحوَّلة، دوس على زرار ارفع ملفات واختار الملف اللي عايز ترفعه”

"هيظهرلك قسم إثبات الاسم.

1. جاوب على سؤال: الاسم اللي موجود في المستند.
2. لو الاسم اللي في المستند مختلف عن الاسم اللي موجود في بروفايلك على الموقع الجديد، علِّم في المربع اللي تحت عشان توضّح الفرق.
3. لازم كمان ترفع مستند يثبت الاختلاف في الاسم. استخدم نفس الخطوات اللي قبل كده علشان ترفع وتحفظ مستندات إثبات الاسم."

"في قسم ترجمة كشف الدرجات:

1. علِّم في المربع لو كشف الدرجات اللي بيوضح الساعات مكتوب بلغة غير الإنجليزي. الترجمة المطلوبة تكون للإنجليزي، وده يشمل المستندات المكتوبة بالعربي.
2. لو علّمت في المربع، لازم ترفع نسخة مترجَمة من كشف الدرجات.
3. استخدم نفس الخطوات اللي اتشرحت قبل كده علشان ترفع وتحفظ الترجمة."

لو في كليات تاني حضرت فيها عيد نفس الخطوات دي تاني

لو مش محول مش هتملي اي حاجة من الكلام دا خالص اصلا هتبقي كليتك اللي بدات و خلصت فيها بس

بعد كل دا دوس نكست

الخطوة الرابعة

"هيظهرلك شاشة المؤسسات التعليمية التانية اللي حضرتها.

• علِّم في المربع لو كنت محوِّل أي ساعات دراسية لمدرسة الطب اللي واخد منها الدرجة بتاعتك من مؤسسة مش مدرسة طب.
• لو علّمت في المربع، هيظهرلك قسم المؤسسة التانية رقم 1، وكمان هتقدر تضيف مؤسسة جديدة.
• كمّل البيانات المطلوبة زي ما بيظهرلك على الشاشة.
• الأسئلة والمعلومات هتكون بنفس الشكل اللي ظهرلك قبل كده في شاشة المدارس الطبية الأخرى اللي حضرتها."

🔹 مثال سطر:

لو كنت واخد مواد في "جامعة القاهرة – كلية العلوم" وبعدين اتحسبت لك ساعاتها في مدرسة الطب، لازم تكتبها هنا.

الخطوة 5

"لما تفتح صفحة الخريجين، اتبع التعليمات دي الخاصة بالشهادة:

a. لو انت متخرج من كلية الطب ولسه الشهادة نفسها ما اتصدرتش، علِّم في المربع.

b. استخدم نفس الخطوات اللي اتشرحت قبل كده علشان ترفع وتحفظ صورة الشهادة.

• لو الكلية أو المؤسسة بتوثّق الأوراق ورقيًا، هيظهرلك رسالة إضافية.
• علِّم في المربع عشان تبعت الورق ده عن طريق البريد السريع (بمصاريف زيادة).

c. هيظهرلك قسم إثبات الاسم:

1. جاوب على سؤال: الاسم اللي موجود في الشهادة.
2. لو الاسم اللي في الشهادة مختلف عن الاسم اللي موجود في بروفايلك على الموقع الجديد، علِّم في المربع اللي تحت لتوضيح الفرق.
3. لازم كمان ترفع ورق رسمي يثبت الاختلاف في الاسم. استخدم نفس الخطوات اللي قبل كده علشان ترفع وتحفظ مستند إثبات الاسم.

d. في قسم ترجمة الشهادة:

1. علِّم في المربع لو الشهادة مكتوبة بلغة غير الإنجليزي. الترجمة المطلوبة تكون للإنجليزي، وده يشمل المستندات المكتوبة بالعربي.
2. لو علّمت في المربع، لازم ترفع نسخة مترجَمة من الشهادة.
3. استخدم نفس الخطوات اللي قبل كده علشان ترفع وتحفظ الترجمة." بعد ما ترفع و تخلص دا دوس نكست

الخطوة 6 :
دا شئ اختياري خدمة بريد من الموقع الجديد لو في تطورات فعلها لو حابب يوصلك اي جديد علي ايميلك المسجل

💡الخطوة 7
هيطلع ليك ملخص بياناتك اللي لسه ماليها راجعها كويس و لما تتاكد كله سليم دوس نكست

💡الخطوة 8
هيطلع ليك الصفحة دي شوية اقرارات هتؤكدها انك (معلكش اي جرائم الخ و انك مالي بياناتك طواعية و موافق علي مشاركتها معاهم)

دوس علي كل واحدة سكرول لتحت و دوس قبول

و لما تخلصهم كلهم دوس نكست

💡الخطوة 9
هيطلع ليك بقي تابة الدفع

الصورة دي لشكل سلة دفع فتح الحساب في الشرح الأصلي. في طلب الشهادة هتراجع بنود الشهادة والتوثيق، وبنكمّل بعدها بنفس طريقة الدفع اللي تحت.

في طلب الشهادة، لو خريج هتدفع 580 دولار للطلب، و220 دولار لتوثيق شهادة التخرج وبيان الدرجات النهائي. لو خدمة متوثقة ومقبولة بالفعل، راجع حالتها قبل طلبها من جديد.

proceed to payment

اختار طريقة الدفع المناسبة ليك و المتاحة

press pay

لو انا امتحنت قبل كدا اعمل ايه؟

لو انت امتحنت قبل كدا ونجحت، والحمد لله ما شاء الله كتير عندنا وبنزلهم سواء التليجرام او الفيسبوك، ابدأ بربط حسابك القديم بنفس الإيميل. بعد كدا راجع حالة طلب الشهادة والهوية والمستندات، وكمّل أي إجراء مطلوب بدل ما نفترض إن مجرد وجود البيانات معناه إن التوثيق مكتمل.

افتح بياناتك الشخصية وبيانات كليتك، وكمان راجع طلباتك في My Cases. المهم حالة الطلب والمستندات، مش ظهور البيانات لوحده.

دوس علي اي واحدة فيهم هتلقاها فيها تفاصيلك و كليتك بس كدا.

لو عندك أى مشكلة خاصة تقدر تتواصل معاهم بشكل مباشر:

الاتصال: +1 (215) 386-5900
من الاثنين للجمعة، من 7 صباحًا لـ5 مساءً بتوقيت شرق أمريكا
الإيميل: [email protected]

خطوات حجز امتحان المعادلة USMLE Step 1 أو Step 2

📌 إحنا كمان جهزنا لك خطوات الحجز للامتحان بالتفصيل تقدر تشوفها كاملة من خلال المقالة دي.

نتمنى نكون وضّحنا خطوات التسجيل وسهّلنا عليك تعرف تبدأ منين. ولو حابب تعرف طريقة المذاكرة معانا، شوف مميزات البرنامج وجرّب الكورس المجاني.