USMLE Electives

المحتويات

الالكتيف – US Electives for USMLE

بوست النهاردة عن الالكتف Elective ، لكن قبل ما نبدأ فى الالكتف لازم تفهم الأول ال US Clinical Experience لان الالكتف جزء منه .
، ولو محتاج تعرف أكتر عن المعادلة الأمريكية وخطواتها وشروطها يمكنك قراءة المقالة التالية .

ما هو ال US Clinical Experience ؟

عبارة عن فترة تدريبية بتقضيها فى مستشفيات أمريكا تتعلم فيها وتاخد خبرة إكلينكية من خلال تعاملك مع المرضى بشكل مباشر تحت إشراف دكاترة كبار .

أنواع ال US Clinical Experience :
عندنا نوعين أساسيين وكل نوع فيهم بيتقسم ل subtypes :

أولاً: Hands on Clinical experience

يعني بتقدر تشتغل بإيدك وتتعامل مع العيانين وتشارك ف أي حاجه ودا بيشمل :
– ال Clinical elective ، ودا أشهر نوع فيهم وهو اساس البوست بتاعنا ، ولازم تكون طالب عشان تقدم عليهم سواء سنين الدراسه او الامتياز .
– ال Clerkship ودا لطلبة امريكا بس وبيكون اجباري عليهم .
– ال sub-internship ، ودا يعتبر زي ال clinical elective بس بيختلف عنه ف نقطه ان وقته أكبر يعني بتقضي ال Clinical rotations بتاعة النهار + وقت اضافي بالليل .
– ال externship ، ودا سواء خريج او طالب تقدر تقدم عليه ، لكنه بصراحه غير منتشر ونادر اوي ، ولو موجود بيبقا عليه تقديمات كتير جدا.

ثانياً: Hands off clinical experience

ودا مبتقدرش تشارك فيه بإيدك خالص وبيكون just انك بتشوف وتسأل ، والحقيقه هو مش قوي ف ال CV ، مش هيضيفلك اوي يعني .
– ال Observership.
-ال research elective ، ودا عبارة عن انك بتروح تعمل ريسيرش هناك ف أمريكا .
– ال intership ودي اول سنه ف النيابه في أمريكا بعد ما يجيلك الماتش .
نكمل البوست بقا بالكلام عن أهم نوع وهو ال Clinical Elective .

أهمية ال Elective ؟

1- خبرة قوية جدا ف ال cv بتاعك ، وهيعلي فرص قبولك ف الماتش .
2- بتقدر من خلاله انك تاخد recommendation letters من دكاتره ف أمريكا ودي برضو بتعلي فرص قبولك ف الماتش .
3- دليل ع خبرتك بنظام الطب ف أمريكا .
4- مهمة جدا ف الماتش وبتقوي فرصك انك تاخد التخصص اللي انت حابه وناوي عليه .

تكاليف ال US Electives :

1- تكاليف التقديم :
بيختلف على حسب انت مقدم فين ، بس يعني كرينچ فهو بيكون من 1000 ل 2500 دولار شهريا ، بس ف اماكن بيوصل فيها لحد 6000 دولار ، دا بالاضافة الى تكاليف الأبلكيشن وبتكون من ٣٠٠ ل ٥٠٠ دولار .
2- تكاليف خاصة بالسفر والإقامة :
على حسب الولايه والمدة والمستشفى ، بالاضافة لتكاليف الطيران ، وتكلفة الفيزا .

شروط ال Electives ؟

1- إنك تكون طالب ف كلية الطب
2- ال CV بتاعك يكون كويس ، وفيه research مثلا ، دا هيقوي فرصك جدا .
3- ال personal statement : ودي ورقه بتعملها مع نفسك وتوضح فيها انت ليه عاوز تعمل الاليكتيف وهكذا .
4- ورقة dean’s letter : ودي ورقة بتفيد إنك مقيد بكلية طب كذا وإن الكليه سامحة بسفرك ، بتطلعها عادي من الشؤن بتاعة كليتك بالانجليزي .
5- بيان درجات من الكليه ، برضو من الشؤن .
6- فيش وتشبيه ، ودا بتطلعه من قسم الشرطه اللي انت تابع ليه .
7- ال health care report : دي ورقة بتجيبها من أي شركة سياحه .
8- شهادة تطعيمات وانك غير متعاطي للمخدرات ، ودول بتطلعم من قسم الميكروبيولوچي والتوكسو من الكليه .
9- شهادة تأمين ضد مخاطر المهنه : بتطلعها من أي شركة اونلاين من أمريكا .
10 – ال Basic live support : ودا كورس زي تنميه بشريه كدا بتاخده من كورسيرا .
11- في شروط خاصه ببعض الاماكن زي Harvard إنك لازم يكون معاك usmle step 1 بسكور اكتر من 220 و TOEFL اكتر من 90 ٪ ، وفي أماكن تانيه بتطلب إنك تكون اخدت الكلينكال راوند اللي عاوز تاخد فيه إليكتيف ف كليتك .

طريقة التقديم على الالكتيف Electives ؟

1- بمجهودك الشخصى : ودا عن طريق جوجل بتكتب ف السيرش US electives بيطلعلك أماكن كتير فيها فرص وبتاخد ايميلهم وتبعتلهم الشروط اللي قولنا عليها فوق دي .
2- مؤسسه تكون وسيط بينك وبين المكان اللي عاوز تروحه زي VSLO ودي متعاقده بس مع 3 جامعات ف مصر ( القصر العيني ، وعين شمس وطنطا ) .

إزاي أحقق أقصى إستفاده من ال Elective ؟

1- حاول متروحش شهر واحد بس لأنك مش هتلحق تتعود ع النظام وتتأقلم هتلاقي الشهر خلص وتبقا يعتبر ضيعته .
2- قبل كل elective ابعت للدكتور اللي هتشتغل معاه تسأله لو في أي Recommended Readings تقراها عشان تساعدك تفهم معظم الحالات اللي هتشوفها و الحاجات اللي هتتعرضلها .. الموضوع دا هيفرق معاك إنك تستفيد أكتر و هيعرف الدكتور إنك جاي تستفيد مش جاي تضيع وقت.
3- حاول تكون أول واحد واصل و أخر واحد يمشي عشان الدكاترة يعرفوا إنك Hard worker و يكتبولك Recommendation letters كويسه .
4- إقرأ عن الحالات بتاعتك و ناقش الدكتور فيها
5- لو انت مطلبتش شغل محدش هيديك شغل و محدش هيطلب منك حاجة هما كانوا شغالين من غيرك و هيكملوا بعد ما تمشي من غيرك يعني انت مجرد ضيف لمدة معينه ، لو الدكتور بتاعك إداك حالة واحدة أطلب أكتر
6- إعرض المساعدة على ال resident في ال Weekend .

الكورس التجريبى المجانى ؟

متاح لينا كورس تجريبى مجانى تقدر من خلاله تجرب سيستم الأسئلة الجديد بتاعنا والفلاش كارد دا طبعا بالاضافة للمحاضرات والكتب المجانية ، وتقدر توصل لمحتوى الكورس التجريبى من هنا وبعدها اضغط على Free Trial .

وتقدروا تعرفوا أكتر عن كورساتنا المتاحة وأهم المميزات الى بنقدمها من المقالة دى .

المزيد من المقالات

Free Trial Course For USMLE Step 1 & Step 2 CK

You can try our Courses including Lectures , Books , our Qbank and Flashcards