ما هى USMLE Pathways
أكيد سمعتوا كتير عن ال Pathways في نظام الUSMLE بعد ما تم إلغاء امتحان Step 2 CS. في المقال دا جمعنا التفاصيل، والتحديث هنا لشروط موسم 2027.
حالياً أصبح فيه حاجة إسمها USMLE Pathways عشان تبقا ECFMG certified وتقدر تقدم على الماتش ودول 6 طرق.
طب تعالوا الأول نقول إيه ال Requirements of ECFMG certificate.
Requirements of ECFMG certificate
1- طبعا تكون خريج كلية طب عشان شهادة ECFMG تصدر ليك، وتكون مستنداتك اتراجعت واتوثقت. ممكن تبدأ بعض الطلبات وانت طالب حسب شروطها.
2- كليتك لازم تكون موجودة في WDOMS ومعاها ECFMG Sponsor Note يشمل سنة تخرجك. وجود اسم الكلية لوحده مش كفاية. شرط إن كل الكليات لازم تكون معتمدة من WFME بعد 2024 مش قاعدة عامة لأهلية الشهادة.
3- تكون نجحت في Step 1 وStep 2 CK.
4- تحقق الدرجات المطلوبة في OET Medicine، وده مطلوب لكل المتقدمين للـPathways.
5- تقدم وتتقبل في الـPathway المناسب ليك. نجاح OET لوحده مش كفاية.
قبل طلب الـPathway، حالة طلب شهادة ECFMG في MyIntealth لازم تكون Accepted أو Pending Credential Verification.
أولاً : USMLE PATHWAY 1
ودا تقدر تقدم عليه لو معاك، أو كان معاك، ترخيص يسمح بممارسة الطب من غير إشراف. لموسم 2027، لازم الترخيص كان ساري في أي وقت من أول يناير 2022، ومن غير إجراء تأديبي عليه. ترخيص التدريب أو الترخيص المقيّد بالإشراف لوحده مش كفاية. لو مؤهل للمسار دا لازم تختاره، إلا لو سبق وسقطت في Step 2 CS، ساعتها هتقدم على Pathway 6.
ثانياً : USMLE PATHWAY 2
للناس اللي نجحت في OSCE مطلوب رسميًا للترخيص، وبتنظمه كلية مقبولة عند ECFMG
ودا للناس اللي مش مؤهلة لـPathway 1، ونجحت في OSCE بتعمله كلية الطب كشرط من جهة الترخيص في بلدها. مش أي امتحان كلينيكال زي PLAB 2 ينفع تلقائيًا. لموسم 2027، تاريخ التخرج لازم يكون أول يناير 2024 أو بعده، وكليتك لازم تكون ضمن قائمة الكليات المؤهلة للمسار دا.
ثالثاً : USMLE PATHWAY 3
ودا عشان تقدم عليه لازم الجامعة بتاعتك تكون معتمدة من هيئة اعتماد معترف بيها من WFME، مش إن WFME بتعتمد الجامعة مباشرة. وكمان تكون مؤهل حسب قائمة كليات ECFMG لموسم 2027، وتاريخ تخرجك أول يناير 2024 أو بعده، وكليتك تؤكد مهاراتك الإكلينيكية. لو مؤهل لـPathway 1، هتختاره الأول.
الصورة دي من شرحنا السابق لطريقة عرض الكليات، مش قائمة الموسم الحالي. اختار كليتك من قائمة كليات موسم 2027 عشان تعرف المسار المتاح ليك.
رابعاً : USMLE PATHWAY 4
ودا عشان تقدم عليه لازم جامعتك تكون معتمدة من هيئة اعتماد حصلت على قرار مقارنة من NCFMEA. هتلاقي كليتك ورقم المسار في قائمة الكليات المؤهلة. ونفس شرط تاريخ التخرج من أول يناير 2024 وتأكيد الكلية لمهاراتك الإكلينيكية موجود هنا كمان، مع عدم الأهلية لـPathway 1.
خامساً : USMLE PATHWAY 5
ودا للكليات اللي بتدي درجة MD مشتركة مع كلية طب أمريكية معتمدة من LCME. مش أي برنامج تبادل أو تعاون مع جامعة أمريكية ينطبق عليه الشرط. بردو لازم كليتك تكون في القائمة المؤهلة، وتاريخ تخرجك أول يناير 2024 أو بعده، وكليتك تؤكد مهاراتك الإكلينيكية، وتكون غير مؤهل لـPathway 1.
سادساً : USMLE PATHWAY 6
ودا للناس اللي مش مؤهلة لأي مسار من 1 لـ5، وكمان أي حد سبق وسقط في Step 2 CS لازم يقدم عليه.
مش امتحان أونلاين. هتعمل 6 مقابلات إكلينيكية حقيقية بحضورك مع المرضى، وأطباء مرخّصين يقيّموا أداءك بنموذج Mini-CEX. كل طبيب يقيّم مقابلتين بالكتير، يعني محتاج 3 أطباء على الأقل.
المقابلات تكون في عيادات رعاية أولية فعلية، مش فيديو ولا مرضى تمثيليين. والمقيّم لازم يكون مرخص من غير قيود من 5 سنين على الأقل، مش قريبك، ومش مدفوع له منك مقابل التقييم. ابدأ المقابلات بعد تقديم الطلب وقبول الطبيب دعوة التقييم، وراجع شروط المقابلة قبل ترتيبها.
صلاحية الـPathway ومواعيد التقديم
الصلاحية مرتبطة بالموسم، مش سنتين ثابتين لكل الناس. الـPathway المقبول لموسم 2027 صلاحيته لحد 31 ديسمبر 2029، ولموسم 2026 لحد 31 ديسمبر 2028، ولموسم 2025 لحد 31 ديسمبر 2027.
شهادة ECFMG المبنية على Pathway بتكون مرتبطة بصلاحيته، إلا لو حققت شروط تثبيتها بشكل دائم. لو المسار انتهى أو قرب ينتهي، راجع شروط Revalidation، ومش معنى عدم الماتش إنك تلقائيًا تعيد كل الإجراءات بنفس الشكل.
لو هدفك ماتش 2027، قدّم طلب Pathways بحد أقصى 31 يناير 2027 بتوقيت شرق أمريكا. مستندات Pathway 1 و2 وتأكيد الكلية الورقي للمسارات 3 لـ5 موعدهم 31 يناير. أما تأكيد الكلية الإلكتروني للمسارات 3 لـ5 وتقييمات Mini-CEX الستة للمسار 6، فلازم يوصلوا بحد أقصى 15 فبراير 2027.
لازم ECFMG تتأكد من استيفاء متطلبات الامتحانات قبل موعد اعتماد الرغبات في NRMP. سيب وقت للمراجعة، ما تستناش آخر يوم.
تكلفة التقديم
رسوم طلب الـPathway الحالي 945 دولار، بتدفعها وقت تقديم الطلب. امتحان OET ليه رسوم منفصلة. هتلاقي تكاليف الرحلة ومواعيد دفع كل جزء في مقال التكاليف.