المحتويات

الكلينكال الريسيرش Clinical Research ، أهميته، وكيف أبدأ

مقالة مهمة عن الريسيرش بعد أن طلبها الكثير من المتابعين وسنحاول فى هذه المقالة تغطية كل الجوانب المهمة فيه ، ولمعرفة المزيد عن المعادلة الأمريكية وشروطها يمكنك قراءة المقالة التالية ، ولو حابين تعرفوا أكتر عن كورساتنا المتاحة وأهم المميزات الى بنقدمها تقدر تشوف المقالة دى .

يعنى ايه ريسيرش ؟

ال Clinical research هو عبارة عن تجارب لنظريات أو فرضيات مكتوبة ، وتطبيق النظريات دي على ارض الواقع على مرضى حقيقيين ، عشان نكتشف هل النظرية دي صح ولا غلط ، أو صح بنسبة أد إيه !

أهمية الريسيرش؟

1- تقوية CV : يمكن من اكتر الحاجات المهمة فى الريسيرش انه بيقوي ال cv بتاعك خصوصا لو ناوي تسافر ، و أهميتها زادت ف ال usmle وخصوصا بعد التعديلات الاخيرة فى المعادلة ، فمن المهم يكون عندك فكرة عن الريسيرش وتقدر تبدأ فيه
2- ال Experience : مهم جدا تعرف ان الحاجه اللي هتعمل ريسيرش فيها مش غرضها بس انك تكتبها ف ال cv او يبقا اسمك نشرتها ف مجلة معينة ، الخبرة اللي هتكتسبها أثناء الريسيرش هتفيدك جدا ف مجال شغلك بعدين وهتديك خبرة كويسه .
3- تكوين العلاقات : ودي نقطة مهمة ، لأن طبيعة شغلنا بيحتاج منك انك تكون عندك علاقات مع ناس كتير عشان تفيدهم ويفيدوك وتتبادلوا الخبرات سوا .

تبدأ ازاى ريسيرش وايه المصادر الى تتعلم منها؟

عشان تبدأ ف انت محتاج الأول تتعلم يعني ايه ريسيرش وازاي تعمل ريسيرش وهنناقش دا فى باقى المقال.

أنواع الريسيرش ؟

أولاً: Primary Research

ودا معناه انك بتعمل ريسرش مباشر علي العيانين ، لو فيه اي نوع من ال intervention يبقي اسمه clinical trial ، لو بس بتوصف اللي بتشوفه يبقي اسمه observational study ودا ليه subtypes كتير برضو زي ال case report مثلا ( وبيكون عبارة عن حالة نادرة او interesting بتشوفها في العيادة او القسم بتاخد ال history بتاعها كامل و تكتب اللي شوفته وتقدمه في اسلوب مناسب لل guidelines بتاعة المجلة اللي هيبعت لها )

ثانياً: Secondary Research 

ودا بيشمل ال systematic review و meta analysis عبارة عن انك بتجيب فكره و تجمع كل الدراسات اللي اتعملت عنها تحطها في دراسه واحده و تتكلم عنها ، لو فيهم data بتطلع الداتا دي و تجمعها على بعض و تعمل عليها meta analysis او بمعني تاني pooling analysis .

الريسيرش الأسهل فى النشر والاكثر انتشاراً ؟

  • اول حاجه ال case reports: ودي محتاج تتعلملها الكتابة العلمية الكورس بتاعها كورس Scientific writing بتاع Stanford علي كورسيرا مجانى
  • تاني حاجة ال Systematic review and meta analysis : الكورس بتاعها كورس cochrane و متاح مجانا لاغلب الدول
  • تالت حاجه ال cross sectional studies and multicentric studies ودي عبارة عن studies بتبقا معموله ع كذا دولة وبيبقوا محتاجين ناس من كل دولة عشان يشاركوا معاهم ف تجميع الداتا .
  • رابع حاجه ال basic biostatistics : و دا الكورس بتاعها introduction to biostatistics by Stanford موجود علي كورسيرا و علي البورتال بتاع جامعة ستانفورد
  • خامس حاجه ال research design : و دا ممكن تسمعلها حاجه على YouTube
  • وسادسا وأخيرا طبعا شوية قراية لـ how to validate research idea and how to search data basis عشان تعرف تدور علي فكرة و تعرف تقرا أي paper .

بعض الكتب لتعلم أساسيات الريسيرش ؟

  •  Medical Statistics Made Easy
  •  The Craft of Research
  •  Scientific Writing from A to Z by Tim Albert
  •  Introduction to Meta-analysis

أبدأ ريسيرش إزاى ؟

الموضوع شخصي ومالوش قاعدة ، المهم يكون عندك ال basics اللي تخليك تكلم كل الناس في دايرتك و الشباب الصغير اللي زيك و تدخل جروبات فيها international projects بيشوفوا مستواك وعملت إيه ف الريسيرش قبل كدا وبعدين تشتغل معاهم وتجمعلهم داتا من المكان اللي انت فيه .
وطبعا لازم تكون محدد امكانياتك و إمكانيات المكان مثلا ما تروحش تدور علي clinical trial او تروح تقترح clinical trial محتاجه فلوس و وقت و حتي امكانيات اكبر من طالب علي دكتور كبير .
الافضل هي الفرص ال multicentric و بعدين تشوف group بيعمل systematic review و تكمل معاه ، او تشوف دكتور في كليتك شغال مع طلبة و تشارك معاه ، او تجيب فرصة سهلة و تقترحها علي حد من الدكاترة اللي متعاون مع الطلبه قريب من تخصصه.
 

المزيد من المقالات

مميزات كورس بنك الأسئلة

العناوين الرئيسية للمقالة انضم لكورساتنا دلوقتى مميزات كورس بنك الأسئلة للمعادلة الامريكية USMLE: رجعنا لحضراتكوا بكورس ومحتوى جديد بعد ما اتطلب مننا كتير جدا نظرا

قراءة المزيد >>

Free Trial Course For USMLE Step 1 & Step 2 CK

You can try our Courses including Lectures , Books , our Qbank and Flashcards