تكلفة المعادلة الأمريكية USMLE
ناوي تبدأ المعادلة الأمريكية وعايز تعرف هتدفع كام وإمتى؟ هنمشي معاك من فتح الحساب لحد التقديم على الماتش. ولو لسه بتكوّن صورة عن الرحلة، شوف شروط المعادلة الأمريكية وخطواتها ومصادر المذاكرة
تكلفة التحضير للمعادلة بتتقسم لنوعين: تكاليف ثابتة زي رسوم الخدمات والامتحانات، وتكاليف متغيرة زي الكتب والكورسات وبنوك الأسئلة، حسب اللي هتختاره في مذاكرتك
مش هتدفع الإجمالي مرة واحدة، كل خطوة بتدفع رسومها لما تحتاجها
أولًا: التكاليف الثابتة
هتدفع إيه وإمتى من أول خطوة لحد الماتش
خلّينا نمشي على مثال لخريج بيبدأ من الصفر، وهيبدأ بستب 1 وبعده ستب 2 في مصر، وهيقدّم على الماتش عن طريق ERAS في موسم 2027، مع النجاح من أول محاولة
| هتدفع إيه وإمتى | التكلفة |
|---|---|
| في البداية، قبل التقديم على أول امتحان | |
| فتح حساب MyIntealthبتدفع وقت إنشاء الحساب، والمبلغ شامل توثيق الهوية | 110دولار أمريكي |
| طلب شهادة ECFMGبتدفع لما تقدّم طلب الشهادة، قبل ما تقدّم على أول امتحان | 580دولار أمريكي |
| توثيق شهادة التخرج وبيان الدرجاتبتدفع مع طلب توثيق المستندات ضمن طلب الشهادة، 110 دولار لكل مستند، والبند ده للخريج في مثالنا | 220دولار أمريكي |
| لما تكون جاهز تحجز ستب 1 | |
| امتحان ستب 1 في مصربتدفع لما تقدّم طلب الامتحان، مش يوم الامتحان، والمبلغ شامل رسوم المنطقة | 905دولار أمريكي |
| لما تكون جاهز تحجز ستب 2 | |
| امتحان ستب 2 في مصربتدفع لما تقدّم طلب ستب 2، ورسومه منفصلة عن ستب 1، والمبلغ شامل رسوم المنطقة | 930دولار أمريكي |
| قبل الماتش، عشان تكمّل متطلبات الشهادة | |
| امتحان اللغة OET Medicineبتدفع لما تحجز امتحان اللغة، ودي عملة أسترالية مش أمريكية | 587دولار أسترالي |
| طلب Pathwayبتدفع لما تقدّم الطلب في الموسم المناسب ليك، ورسومه منفصلة عن امتحان اللغة | 945دولار أمريكي |
| في موسم التقديم على الماتش | |
| شراء ERAS Tokenبتدفع لما تطلب رمز التسجيل، عشان تبدأ طلب التقديم على برامج الإقامة | 185دولار أمريكي |
| إرسال درجاتك إلى ERASبتدفع لما تطلب إرسال الدرجات من FSMB، مرة واحدة في موسم التقديم | 70دولار أمريكي |
| التقديم على 30 برنامج في تخصص واحدبتدفع وقت إرسال طلباتك للبرامج، حسب عدد البرامج اللي تختارها | 330دولار أمريكي |
| التسجيل في الماتش NRMPبتدفع لما تسجّل في الماتش، وده تسجيل منفصل عن التقديم على البرامج | 85دولار أمريكي |
| إجمالي المثال لحد الماتششامل التقديم على 30 برنامج في تخصص واحد، وامتحان اللغة منفصل بالعملة الأسترالية | 4,360دولار أمريكي |
إجمالي المثال ده 4,360 دولار أمريكي، زائد 587 دولار أسترالي لامتحان اللغة، بتدفعهم على مراحل من بداية الحساب لحد الماتش
مصاريف المذاكرة والسفر والسكن وستب 3 وأي رسوم إضافية حسب حالتك مش داخلة في الإجمالي
ولو اخترت عدد برامج مختلف، الجزء ده بس هو اللي هيتغيّر في الحساب: أول 30 برنامج في التخصص، كل برنامج بـ11 دولار، وبعدهم كل برنامج إضافي بـ30 دولار. لو قدّمت على تخصص تاني، الحساب بيبدأ له من جديد، حسب رسوم موسم 2027. بعض التخصصات بتستخدم منصة تانية زي ResidencyCAS وليها رسوم مختلفة
بنود بتتحسب لو احتجتها
| البند | التكلفة |
|---|---|
| امتحان ستب 3بتدفع لما تقدّم طلبه، بعد شهادة ECFMG. بيتعمل في أمريكا ومش شرط عام قبل الماتش، لكن متطلبات البرامج والتأشيرة ممكن تختلف، وسفره منفصل | 955دولار أمريكي |
| تمديد فترة الأهلية للامتحانبتدفع لو احتجت تقدّم طلب تمديد قبل ما تمتحن، لمدة 3 شهور متصلة ولمرة واحدة لكل امتحان حسب شروط الطلب | 70دولار أمريكي |
| توثيق إضافي لحساب FSMBبتدفع لو الموقع طلبه وقت إنشاء الحساب، وبيتحوّل لرصيد لخدمة مؤهلة خلال 6 شهور، فلا تجمعه مرتين مع رسوم الامتحان | 75دولار أمريكي |
| رسوم إضافية في الماتش30 دولار لكل كود زيادة عن 20، و50 دولار للتسجيل المتأخر، ورسوم أخرى للقوائم الطويلة أو التقديم كزوجين حسب الحالة | حسب حالتك |
| تغيير موعد الامتحان أو إعادة المحاولةتغيير الموعد ممكن يضيف رسوم حسب قربه، والإعادة ليها رسوم تقديم جديدة | حسب الحالة |
| ترجمة الأوراق ورسوم الكلية والبنكحسب مستنداتك، وسعر الصرف، ورسوم وسيلة الدفع | متغيرة |
| التحضير والخبرة الإكلينيكية والسفر والسكنحسب المصادر اللي تختارها وخطتك، مش ليهم رقم واحد ثابت | متغيرة |
بعد الماتش وقبل بداية الإقامة
لو هتسافر بتأشيرة J-1 من خارج أمريكا، الرسوم المنشورة هي 370 دولار أمريكي لطلب الرعاية السنوي، و220 دولار أمريكي لرسوم SEVIS لأول طلب، و185 دولار أمريكي لطلب التأشيرة. مجموعهم 775 دولار أمريكي، قبل أي رسوم إصدار حسب الجنسية والسفر والسكن. البنود دي مش بتتنطبق على كل الناس أو كل أنواع التأشيرات
ثانيًا: التكاليف المتغيرة
- قمنا بتسميتها بالتكلفة المتغيرة لانها تختلف وتتغير من شخص لاخر وهى تكلفة الأدوات التى تساعدك فى التحضير للامتحان نفسه كمثال اشتراكات بنوك الأسئلة وهى مهمة للغاية ، وتكلفة الكتب والكورسات سواء العربية أو الأجنبية ، لكن فى الحقيقة تعتبر بنوك الأسئلة هى الأهم والتى لا يمكن انجاز التحضير للمعادلة بدونها ، فهمى ليست مصدر للتقييم فقط وانما تعتبر مصدر مهم للمذاكرة ايضا.
- هناك الكثير من بنوك الأسئلة التى يمكنك الاعتماد عليها واسعارها تختلف حسب المدة التى ترغب بالاشتراك بها ايضا ، كمثال UWorld Step 1 أو Step 2 CK، سعر اشتراك QBank لمدة 360 يوم هو 579 دولار وقت مراجعة المقالة، وباقة QBank Plus اللي فيها فيديوهات هي 678 دولار.
- أيضا هناك الكثير من الكورسات العربية أو الأجنبية وتختلف اسعارها حسب كل كورس والمدة .
عايز توفّر في تكاليف المذاكرة
سيستم الأسئلة عندنا جزء من الكورس، مع المحاضرات والكتب وفيديوهات الحل والفلاش كارد
جرّب بنفسك في الكورس التجريبي المجاني، وشوف مميزات البرنامج وطريقة المذاكرة معانا قبل ما تختار