بدات زي ما كله بيبدا و سالت ناس صحابي و شوفت علي النت و ريديت و قعدت اقرا تجارب ناس كتير و ايه مصادر المذاكرة و دا شئ مش صح اوي انك تفضل فدوامة اذاكر منين او ايه المصادر اللي اذاكر منها يعني في مصادر متعارف عليها مذكورة فكل حتة مفروض تبقي هي عصب مذاكرتك للاسف فضلت فالموضوع دا بلف فحلقة مغلقه شوية اشوف بوردز اند بيوند و بعدين لا اشوف باثوما لا اشوف فزيو طب اوسموزيس و سكتشي و كل شوية اعيد نفس الجزء من فيديوهات جديدة لحد ما قولت طيب هشترك كورس مصري عشان احوش التشيت دا كله لقيت قدامي كذا حد فالاخر اخترت احضر مع دكتور الحسيني عشان السستم بتاعه و بنك الاسئلة جزاه الله خيرا علي توفير سستم جميل وافي بس انتظمت شوية بس اتشغلت بامتحانات سنة رابعه فوقفت

خلصت رابعه الحمدلله علي خير و بدات تاني فالاجازة قولت لعل دي تبقي اللي اخش بيها الامتحان و الحمدلله كانت دي كنت ساعتها مخلص نص السستمز من الحسيني حالل بتاع 500 سؤال يو ورلد و فاضلي كتيييييييييييير فيه خلصت السستمز اللي فاضلين بس المرادي مش تركيز علي فديوهات تركيزي كانت علي الحل صحابي اللي دخلوا نصحوني بدا الفديوهات بتحرق وقت و 90% منها بيتنسي فحليت يو ورلد و امبوس (جالي اشتراك تلت شهور فقولت حرام اضيعهم) بدات ب20 سؤال فاليوم و بشوف حسيني علي السريع (مسمعتوش فالحاجات الجنرال, كنت فاكره من الكلية شوية, استخدمت ملفات ملمان فيها لتوفير الوقت و يعني ادت نفس الغرض) لما جربت ملفات ملمان حسيتها فرست ايد الحقيقي يعني الكلام اللي كنت بسمعه عنه و متخيله هو حرفيا ملفات ملمان يعني مختصر مش هتعرف تاخد نوتس احسن من كدا فلو تقدر تعملها كلها اعملها لو فاول تحضيرك كلها مهمة و كلها مفيدة و بالذات في deck pharma بتاعته احسن ملخص فارما استخدمته فضلت بقي علي الحال دا بحل اقرا ملمان اشوف فديوهاته و اشوف سكتشي ميكرو لحد ما حسيت لسه بدري فقولت اخد امتحان خدت nbme 13 و جبت فيها اظن 64% مكنتش خلصت يو ورلد لسه بس كان قرار كويس حسستني اني خلاص هانت و ممكن شهرين تلاتة و اخش دوست بقي كل اسبوع nbme لحد 31 و يعني مشيتها كدا بالمصادر دول زحمة مصادر شئ مش كويس و كل الطرق تؤدي لروما مش معني ان مثلا ملفات ملمان كويسة ان مينفعش من غيرها هي وسيلة بس تسهل الدنيا الناس زمان كانت بتنجح من غيرها و دلوقتي في ناس بتخش مسمعتش عنها بس لو تقدر تعملها متكسلش و كمان فديوهاته

الحمدلله درجاتي فالامتحانات كانت كويسة و طمنت الواحد انه يحجز حجزت و كنت بقفل العيوب زي الاحصاء مثلا و في اجزاء معينة واقع فيها و براجع ملمان مكنش في شئ مميز فالفترة دي كنت ملمان nbmes ملمان nbmes مستخدمتش فرست ايد خالص

nbmes 13-24 = 64% – 74%
nbmes 25-31 = 75%-82.5%
old free 120 = 79.5%
new free 120= 85%
uwsa 2= 232
uwsa 1=221

اخر اسبوع مذاكرتش اوي لاني كنت عيان كنت برجع من التوتر فخلص نفسك بدري خد كمان امتحان فالبيت بطول الحقيقي عشان تحس بالوقت لانه طويل و مرهق الامتحان كان شبه الnbmes

يوم الامتحان كنت متوتر زي كله بس لما قعدت عالجهاز ربنا يسر و يعني توتر مبيفدش فمرضتش افكر اوي مجرد كاني بحل nbme عادي الفكرة دي كانت مهدئة البريكات كنت كل بلوكين بريك

نقطة حابب اقولها كل شخص بتجربه الناس علي النت بتذكر الحلو بس المعظم علي الاقل فيعني متزعلش لو حسيت و شوفت ان فلان احسن هو بس موريك الجانب الكويس و انت كذلك انت مش هتفتكر غلطاتك فالتحضير و يعني امشي طالما انت بتحل كويس و درجاتك كويسة فيه تقصير من وقت ضايع او حاسس ان في احسن مش معناها تكبر دماغك بس الموضوع ماراثون مش سباق محتاج طولة نفس و تستخدم مصادر تنجزلك